En febreiro de 2023, o IES Luís Seoane recibe a Acreditación Erasmus no ámbito da educación escolar para o período 2023-2027 -primeiro centro educativo da cidade que o consegue, logo de desapareceren os Erasmus+ tradicionais.

Esta acreditación implica financiamento para mobilidades de curta e longa duración para alumnado e profesorado de ESO e Bacharelato, así como a posibilidade de recibir expertos, alumnado e profesorado, da UE.

Estas mobilidades implican o aumento de competencias e o establecemento de relacións que van moito máis alá, ao seren moitas veces as familias as acolledoras, como soporte fundamental destes programas.